နစ်မြုပ် အဏ္ဏ၀ါမင်း ငါးဖမ်းစက်လှေက ရေလုပ်သားများကို ရှာဖွေနေဆဲ

ရခိုင်ပြည်နယ် ကျောက်ဖြူနဲ့ ရမ်းဗြဲမြို့နယ်ကြား ပင်လယ်ပြင်ထဲမှာ အဏ္ဏ၀ါမင်း ၉ အမည်ရှိ ပုဂ္ဂလိက ငါးဖမ်းစက်လှေတစီး နစ်မြှုပ်ခဲ့ရာမှာ ရေလုပ်သား ၆ ဦး အသက်ရှင်လျက် ကယ်ဆယ်နိုင်ပေ မယ့် ပျောက်ဆုံးနေ သူတွေကို ဆက်လက်ရှာဖွေနေရတယ်လို့ ကျောက်ဖြူရဲစခန်းက ပြောပါတယ်။

အဏ္ဏာဝါမင်း အမှတ် ၉ ငါးဖမ်းလှေဟာ သြဂုတ် ၂ ရက်နေ့ မွန်းလွဲပိုင်းက နစ်မြုပ်သွားတာ ဖြစ်ပါတယ်။ စက်လှေပေါ် မှာ လူ ၂၅ ဦး လိုက်ပါသွားရာမှာ လက်ရှိ ကျောက်ဖြူမြို့ကို လူ ၆ ဦး ပဲရောက်ပြီး ၁၉ ဦး ပျောက်ဆုံးနေ တယ်လို့ ကျောက်ဖြူမြို့မရဲစခန်းက စခန်းမှူး ဒုရဲမှူး သန်းလှိုင်က ဒီဗွီဘီကို ပြောပါတယ်။
“စက်လှေမှောက် သွား တာက ၂ ရက်နေ့ နေ့လယ် ၁ နာရီလောက် က မှောက် တယ် ပြောပါ တယ်။ ကျောက်ဖြူမှာ အသက်ရှင်လျက် ရထားတာ ၆ ယောက်ရှိပါပြီ။ ကျန်တာကတော့ ငါးလုပ်ငန်းဦးစီးနဲ့ ဌာနဆိုင် ရာတွေက အားလုံး ကယ်ဆယ်ရေးလုပ်ငန်း လုပ်နေပါတယ်။ အခုအချိန်အထိ ၆ ယောက်ပဲ ရထားသေးပါတယ်။ သူတို့ပြောတာတော့ မျောနေတယ်ပြောတယ်။ မနေ့က ကျနော်တို့ဆီ ရောက်တာ ၅ နာရီခွဲလောက် ရှိပြီ။”


ပြန်တွေ့တဲ့ လူ ၆ ဦးဟာ အလုပ်သမားတွေ ဖြစ်ကြပြီး ရခိုင်ပြည်နယ် မင်းပြားက ၁ ဦး၊ ဟိုင်းကြီးကျွန်းက ၂ ဦး၊ ဧရာဝတီတိုင်း ကျုံပျော်က ၁ ဦး နဲ့ ရန်ကုန်တိုင်း ကြည်ြ့မင်တိုင်က ၂ ဦး ပါဝင်ပါတယ်။
ပြန်လွတ် လာ သူများက ရဲစခန်းမှာ ထွက်ဆိုချက်အရ လှေမှောက်ရခြင်း အကြောင်းရင်းဟာ မုန်တိုင်းအန္တရာယ်ကြောင့် မဟုတ်ဘဲ ပဲ့နင်းဖြစ်သူရဲ့ မကျွမ်းကျင်မှုကြောင့် ဖြစ်ရတယ်လို့ ယူဆတဲ့အတွက် ဒုတိယ ပဲ့နင်းဖြစ်တဲ့ ဦးမြင့်အောင်ကို ရဲစခန်းမှာ အမှုဖွင့်ထားတယ်လို့ စခန်းမှူးက ပြောပါတယ်။
“မုန်တိုင်း အန္တရာယ်ကြောင့် ဖြစ်တာမဟုတ်ဘူးပေါ့နော်။ ဖြစ်တာက ပဲ့နင်းရဲ့ မကျွမ်းကျင် မှုကြောင့် ဖြစ် တယ်လို့ ကျနော်တို့ ယူဆတယ်။ သက်သေခေါ်ထား တဲ့သူတွေကလည်း စစ်တဲ့အခါမှာ ပဲ့နင်း မကျွမ်းကျင် မှုကြောင့် စက်လှေမှောက် သွားတယ်လို့ သိရလို့ အမှုဖွင့်ထားပါတယ်။” အမှုဖွင့်ခံ ရသူ ဦးမြင့်အောင် ကတော့ ပျောက်ဆုံးနေ ဆဲ ဖြစ်ပါတယ်။


လှေပေါ်ပါလာသူအရေအတွက်နဲ့ ပျောက်ဆုံးသူအရေအတွက်တွေကတော့ ရဲစခန်း နဲ့ လှေပေါ်မှာ ပါလာ သူတွေရဲ့ ပြောကြားချက် ကွဲလွဲမှုရှိနေပါတယ်။ စက်လှေ နစ်ရာမှာ ပါသွားပြီး အရင်ဆုံးလွတ်မြောက်လာတဲ့ စက်ဆရာ ဦးသန်းအောင်ကတော့ သူတို့ကျောက်ဖြူက ထွက်လာစဉ်မှာ လှေပေါ်မှာ ၂၁ ဦး ရှိပြီး ၆ ဦး လွတ်မြောက်ကာ ၁၅ ဦး ပျောက်နေတယ်လို့ ဆိုပါတယ်။


၁၄ နာရီကြာ ပင်လယ်ထဲ ကူးခတ်ပြီး အသက်ဘေးက ပြန်လွတ်လာတဲ့ စက်ဆရာ ဦးသိန်းအောင်က သူတွေ့ကြုံခဲ့ရတာကို ခုလို ပြန်ပြောပြပါတယ်။ “ဘာဖြစ်လို့ မှောက်သွားလဲဆိုတော့ ပိုက်ဆွဲနေရင်း နဲ့ လှေတခြမ်းစောင်း သွားလို့ အလှည့်များသွားပြီးတော့ လေရဲ့လှိုင်းတွေကလည်း လာတော့ အုပ်ပြီးမှောက် သွားတယ်။ မိုးလေ၀သအခြေအနေက အဲဒီနေ့ကနေစပြီးဖောက်ပါတယ်။ အဲဒီကစပြီးတော့ မိုးလည်းရွာ တယ်၊ လေလည်းတိုက်တယ်၊ လှိုင်းလည်းကြီးတယ်။ ဘယ်လိုလွတ်မြောက်ခဲ့လဲ ဆိုတော့ ကျနော်တို့ လှေမှောက်တဲ့အချိန်မှာ အပြင်ကလှေတွေနဲ့ ဆက်သွယ်မှု ဘာတခုမှ မရှိခဲ့ဘူး။ ဘာတခုမှ မရှိတော့ ဒီလူတွေ အသက်ရှင်ရေးအတွက် ရေလိုက်ကူးခဲ့တယ်။ မြင်တဲ့လှေကို ရေကူးပြီး အကူအညီတောင်းတယ်ပေါ့။ ကျနော် ၁၄ နာရီ ကူးခဲ့ရပါတယ်။”

လှေမှောက်တဲ့နေရာဟာ ကျောက်ဖြူဆိပ်ကမ်းကနေ ၁၀ မိုင်လောက်ကွာဝေးပြီး ကမ်းနဲ့ အလှမ်းဝေး လှတယ်လို့တော့ မဆိုသာပေမယ့် ရေစီးနှုန်းမှာ ၁ နာရီ ၃ မိုင်လောက် မြန်နေတဲ့အ တွက် ကမ်းကို လှမ်းမြင်ပေ မယ့် ရေမကူးရဲဘဲ ရေစီးကြောင်းနောက်သာ လိုက်ပါကြကြောင်း၊ အားလုံး လွတ်မယ် လို့ မျှော်လင့်နေကြောင်း သူကဆက်ပြောပါတယ်။
သူတို့ ၆ ဦး လုံး ထိခိုက်ဒဏ်ရာရမှုမရှိဘဲ မောပန်းနွမ်းနယ်မှုသာရှိတဲ့အတွက် မနက်ဖြန် ရန်ကုန်ပြန်မယ်လို့ ဆိုပါတယ်။

အဏ္ဏာဝါမင်းငါးဖမ်းလှေအုပ်စု ကိုယ်စားလှယ် ဦးတင်အောင်ထွေးကတော့ လှေဟာ ရန်ကုန်ကနေ ထွက်ခွာလာတုန်းက လူ ၂၅ ဦး ပါလာပြီး လမ်းခုလပ်မှာ ဆင်းခဲ့ကြလို့ လှေမှောက်ချိန်မှာ ၂၁ ဦးသာ ကျန်ရှိကြောင်း၊ အဲဒီငါးဖမ်းလှေတွေဟာ ရန်ကုန်မြို့က ရွှေအော်ကြီး ကုမ္ပဏီပိုင်ဖြစ်ပြီး ရခိုင်ပင်လယ်ပြင်ထဲမှာ ငါးဖမ်းနေတဲ့လှေ ၆ စီး ရှိကာ အခု ကျန်တဲ့လှေ ၅ စီးလုံးက ပျောက်ဆုံးနေတဲ့ လူတွေကို နေ့ရော ညပါ ၀ိုင်းဝန်း လိုက်လံ ရှာဖွေနေတယ်လို့ ဒီဗွီဘီကို ပြောပါတယ်။
DVB

Posted in: ပြည်တွင်းသတင်း